•·.·°¯`·.·•مـنـتـدى إيـرآســـآ درنـة •·.·°¯`·.·•
{ نورت } ... آلمنتدى ضيفنآ آلكريمـ

•·.·°¯`·.·•مـنـتـدى إيـرآســـآ درنـة •·.·°¯`·.·•


 
الرئيسيةالتسجيلدخول

شاطر | 
 

 الأمور يا صاحب بدت عكسيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حمزة القطعانى
عضو


عدد المساهمات : 66
نقاط : 15
تاريخ التسجيل : 19/10/2008
العمر : 29

مُساهمةموضوع: الأمور يا صاحب بدت عكسيه   السبت ديسمبر 13, 2008 12:10 pm

الأمور يا صاحب بدت عكسيه
قبل لا ياخذها بنيه خجولة هى لرايدها
كلم خواته وجهته حددها قدا منو جاباته لها قسميه
وبعد التخرج حددو زفتها بعد ما خطوبتها بدت رسميه
على بيتهم كم كندره بيدها قليل وين ما يشيلش معاه هديه
انعم وحاضر دوم بيرددها مدنكر وخايف يا عليك بليه
اللى تطلبه يلبيه في لحظتها ياحيف على التريس اللي بلا شخصيه
بددت عكسيه راجل بقى خاتم في يد وليه الامور يا صاحب بدت عكسيه
بعد ما خذاته كيف ما الخاتم في يدها لبساته
بتخطيط شيطانى عليك شماته
عبت دماغه بالأفكار السيه حاقد على أمه لجل قاعده حيه
وكاره وجود اميمته وخواته لوكان لقي سحقهم جمليه
وكل من حكمه بيد مراته مليشى قيمه ولا اهميه
أنسى اميمته اللى في بطنها حملاته
تسعه شهور أطوال مش شويه
أنسى أيام كان صغير في قماطه
في غمرها من الصبح للعشيه
أنسى أيام كيف تبدلو خطواته
وهى تقوله ديدش وليدي هيا
أنسى أيام كان لصدرها ضماته
حنان الامومه ماهناكش زيه
أنسى أيام كان مرض ماسباته
للصبح سهرانه حذاه وحيه
انسى كلما دارت وما عناته
مشى في مهب الريح ريح قويه
يخططلها ويعيد في حساباته
وقال توا برقدلها الميه
وزاد قال بمفهوم عباراته ان هالعزوز منكدتها عليا
بنرماها في برويطه الساعة ثلاثة
وجودها معاد ينفع بيا
وألا بضربه قاضيه مواته
ونردمها وننفض من التراب ايديا
واندير روحي دمعتي فلأته
ويبدو العزايا ايعز فيا
كأن العزوز بوذنها سمعاته
عرفت آن ناويلها ع السيه
وهى صابره على المره يلي ذاقاته
في كل لحظه تزورها المنيه
رفعت أيديها للكريم دعاته
بقولت أنت عالم بكل خفيه
تهدى وليدي لطريق نجاته
وأنا نموت نبقى راضيه مرضيه
بكت لين حتى نظرها فقداته
عزلها في غرفه بروحها منسيه
بدت عكسيه راجل بقى خاتم في يد وليا
الامور يا صاحب بدت عكسيه
بعد ما عزلها بتخطيط من مرته زاد تقنها
وقال باش نفتكو من مشاكلها
مجرم عديم الأصل والبيتيه
عدل أموره ساعته معدلها
هذه فرصته ما دامها معميه
ناض في عقاب الليل بيقتلها
ميت أحساسه والضمير سويه
بسكين في أيديه ليمنه شايلها
وهو من اللي وراه خبيثة ثنيه
متوفيه من قبل لا يوصلها
وهى ماده أيديها تريد أميه
اجعلنا ضرير في عيشته واكلها
كمل حياته على الفراش رميه
بدت عكسيه راجل بقى خاتم في يد وليا
الامور يا صاحب بدت عكسيه
ما عليه يخف لا المرض لا ذنبه اللي اقترف
يظل يستفق لين التراب يسف
وتنزل دموعه سايلات سخيه
وظهره يتعوج كيف حرف f
من قبل لا يوصل في نص الميه
جعلنا حموله من الهموم ستف
لاعند تتعب حالته النفسية
جعلنا مايس بيه ما يلطف المولى لا يهون عليه شويه
على الله مرته ولدها يعرف
آن بوه في جداه دار خطيه
وميزت الدنيا والزمان يلف
وسيوره تنزل عليه بليه
يجي دور ولده يردله السلف
كيف مازرع الشوك يحصد زيه
ومازال بنحكى اللي شايف
ومازال للحديث بقيه
مغير توا نبي انسكره الملف
لاجل آن حايز رضى ولديا
الشعر منقول
الرجوع الى أعلى الصفحة اذهب الى الأسفل
 
الأمور يا صاحب بدت عكسيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
•·.·°¯`·.·•مـنـتـدى إيـرآســـآ درنـة •·.·°¯`·.·• :: •·.·°¯`·.·•درنة بكل آلآلوآن •·.·°¯`·.·• :: درنه الأدب-
انتقل الى: