•·.·°¯`·.·•مـنـتـدى إيـرآســـآ درنـة •·.·°¯`·.·•
{ نورت } ... آلمنتدى ضيفنآ آلكريمـ

•·.·°¯`·.·•مـنـتـدى إيـرآســـآ درنـة •·.·°¯`·.·•


 
الرئيسيةالتسجيلدخول

شاطر | 
 

  حكايتي امغير اسمعوها

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
الغزال الشارد
القلم الذهبي
القلم الذهبي


عدد المساهمات : 1773
نقاط : 2097
تاريخ التسجيل : 12/07/2010
الموقع : هنا وهناك

مُساهمةموضوع: رد: حكايتي امغير اسمعوها   الإثنين فبراير 20, 2012 6:10 am

مواطنة
هو ممكن نسال انت سوال
اشكون هي
الجالسة جنب
منك ؟
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الإثنين فبراير 20, 2012 11:00 am

كبف حالكم ياحبابنا
انحي الاخوات
اللي
مرن
علي
يومياتي
اما سوالك
ياغزال شارد
اللي
امقعمزة
بحداي
وشون
ولد سيدي
ههههههههههههههههههههههههههههه
هههههههههههههههههه
مانه اسد صحراء
علي الفاضي
هذه صورتها
بعد جيبتها
لفرخها
الثاني
وتوا بالسلامة
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الإثنين فبراير 20, 2012 5:58 pm


مازال
ياما عندي من شطحات
غير
الركب
خايخات
وك ياكبادي
خشومي
يدلفوا
اتقول
اعليهم
مزاب
مكسر
واكتافي
ايفشخوا فيا
يالعتي القوية
ابركت
قبل وقتي
خوتي
ناضوا
واني
مازلت انقدف زي الجريدة

لا مش الجردة الجريدة

جريدة النخلة

ياوحلتي وحلة
اتقول
عليا خبتني
كرينتي
عين وصابتني
فالهم في جعلاهم
عيون الفياشة خدتني غفوة قبل شوية
نوضت
مرعوشة
ماني شفت حلم شين
اه ياكبدي
شفت روحي
واقفة
علي ضهرة
عالية
وانادي
انقول
ياولاد علي
وينكم
خشوا مادام الدنيا مشروكة
من كل جهة
هاتوا حججاكم
وعودوا لآرض الوطن
فرصة
ومعاذ تتعوض
هلموا
الي الامام
هجوم
ياكبدي مش قلتلكم
حلمة شينة
اه
ياقلبي

الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الثلاثاء فبراير 21, 2012 3:33 am

صباحكم بلخير
البارحة
في الايام
الساعة الواحد
بعد نص الليل
ارتفعت
حرارتي
وخوتي اتلموا عليا
وسيدي علي راسي
اتقول
عليه بيقطرلي
واميمتي الحنانة
اتسبح في ادمعاتها
تحسابني
وصلت
ومعاد بيصبح عليا الصبح
البارح اليمين واليسار كله تلاقي عليا
واني انبحلق في عيوني
لقيت خوي برق الليل
يمسح في دميعاته
منين سمعني انين
هادي ثاني مرة اينزل فيها دموعه
كانوكم علي الاولي
يوم اللي اوباما
لوح جثة بن لادن للحوت
والمسلمين تتفرج
والثانية
الليلة
شور ه اخوي يحسباني بنودع
سيدي
قالي مش قتلك
ماتنضيش من الفراش
لين اتشدي صحتك بيديك

شوفي خليقتك
رائحة
اتقول عليك تاكلي بالدين
رايحة زي العود البالي شوفي
بنات سيدك
اللي والوحدة فيهم زي القنطرة
تقول عليها بابور في عرض البحر
وانتي اتنوسي
زي الجربوع
اه ياسيدي هذا اللي صار توا
رفعت عيوني في خوي رواق قتله
الصغار ماتوا في افغنستان
يحسبوني حرارتي
تلفتلي الخريطة
وابدوا ايسكتوا فيا
يحسابوني نقصد كلام زمان
منين كنت انقول لرواق بره جيب انسوينك وادراريك اللي مخليهم دوايح في قندهار
هظا امنين انتعارك اني وياه
لكنتي هالمرة مش انبصر
قصدي اطفال كابول ماتوا من الصقع
والجماعة
ماحد جاب طارئهم
وخوي حسن ايسكت فيا ويقولي الهي في حالك
احني مش ناقصين
اه ياكبدي وين خدتني غفوه
امشوا خوتي وسيدي يرتاحوا
بعد ليلتهم المتطوفة معاي
واني توا خشيت علي ولد سيدي المنجوه
ليقته
ايكلم في دو البصيرة
والبصريات
ماهوا
هذا لزوم الشغل
مانا هي الانتخابات ساهلة
وبعدين برقت عيني ريت صورة لواحد مانيش عارفة وين شفته اسمه عريش
وين شايفته
ياصحاب الخير ذكروني الفيوز عندي امودر من كثرة الصور اللي براسي
اه دهشت وقبل لااريح روحي
نبي انقول لريماس
ماتخاقيش علي القصعة
اسمك سمح توا انقول لولد سيدي ايسمي بنته علي اسمك
ماهو مراته اتجيب
واني انسمي
وك جتني نخصة في صدري
اجرولي
ووووووووووووووووووو
ك
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الثلاثاء فبراير 21, 2012 6:13 am

توا ياكبادي واني قلت قبل لانغمض اعيوني

انشوف


ولد سيدي شنو يهلت مع الهلاته وق
ياكبادي
القيت الوعد الحق
امقايل كلمة
كبيرة
كبيرة
بكل
ههههههههههه
ياودي لكنها سمحة بكل
واني انزيد انقولها لهلبة جماعة
زيه
حصيلة
ولد سيدي طيح ارواريا
تخلط عليا ضحك وكحة
اه ولد سبدي حكي علي وحدة من المدارس
في درنة
قالوا ماكلاتها غالية
وك
شور المنجوه عنده من يقرا فيها
وجيبه فلس
والا ياما من مدارس بلا اروشن والقاطر امادير فيها حالة
والشوراع
ياكبادي ابديت مرتع للقطاطيس
والفلتان بكل اشكاله
من كل درنة
ماحيره غير جيبه
ياخده اتسوقك قعد في بخلك
خيرك مااتكلمتش علي الدواء اللي شايطة اسعاره
وخلانا نرجعوا للشيح والقمام والتقوفت
بره مانيش مسامحتك
حتي السوال بلكذب ماتسالتش عليا
هو من ناحيت خايف من ام فروخك خائف عرفاتك دلال
قدامها مش فالح غير تتفرعن قدامي لكنتي
اني بنت سيدك وخصبا عليها
اطير عليا السو
ياعطيها بو
وك الكحة عصرتني ثاني
الرجوع الى أعلى الصفحة اذهب الى الأسفل
ربيع بالحاج
عضو نشيط


عدد المساهمات : 186
نقاط : 190
تاريخ التسجيل : 17/09/2011
العمر : 28
الموقع : روما ايطاليا

مُساهمةموضوع: رد: حكايتي امغير اسمعوها   الثلاثاء فبراير 21, 2012 9:54 pm

تحياتنا مواطنة

اين اختفيت

الواضح ماقلته عن العبيد الداخلين

الكفرة

كان في مكانه

ماشاء عليك وربي يحرسك ويخليك لسيدك وخوتك
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الأربعاء فبراير 22, 2012 4:54 am

كيف

حالكم ياهلنا
اه
يكبدي
ياقلة امدواي
ايدوني
الطبة
كلهم
احتاروا
فيا
اه
ياكبدي
راني ادماغي امشوش
ومعنديش
جهد نتكلم
ولد سيدي اونه
خليته
يفتي بروحه
صحيت ياربيع
اني كلمتي زي الشيك
انقولها
انقولها
ياواقي وخلاص علي عقاب المدن الاخري
توا خليه المنقوش ينقش
هو والجويلي
واللي
بلا جولة
ناكر
وين راقد
شورك
واخد برده

والاخظر
وبلحاج لا مش ربيع
حكومة

زعما


وين غاطس

والا الكيب واجليل هوظا
خطايتهم
الخرافة
هذه
اه يابلادي اه ياكبادي
ليكم الله ياهل
الكفرة
وين الجغبوب
وبن
جيش برقة
وين طبرق
وين السرايا
الله
غالب
كاني
بصحتي
وانسكن
غادي
راني
درت
بندقيتي
وشقيت الرمالي
وحاربت
لامش خوتي
اني ماانحارب
غير الغريب
والكفرة
امعبلة بالغربة

وينك ياسيدي المختار
بلادالكفرة
سيبوها
بلاد سيدي فضيل
ومرحب بالجنة جت تدنا
وينك ولد سيدي اعتبرها اجدابيا
لم الشباب
وخليني انزغرط عليك في يوم زي هاليوم
اخيه عليكم
عبيتوا
ابطونكم
وجيبوكم
ورقتوا
ولالا بالكشي
جماعتكم
قاعدة تستني
وتتمني اخيه علي كل
من وطنه بطنه

الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الأربعاء فبراير 22, 2012 7:51 am

اخ يادنيا



دنيا تمشي
معكوسة
هي حقيقة
ماتمشيش بروحها
احني اللي عكسناها سيدي ياكبادي
اينوض ايقول اعطيكم سحقة
ايرقد ايقول
اعطيكم سحقتين
لين هانا
اقعدنا
مسحقوين في مكانتنا
خش عليا
سيدي قبل شوية
قالي كف حالك
اليوم يابنيتي
قلته
زي ماتشوف ياسيدي
قعمز سيدي
وقالي
الله غالب يابنيتي
من يوم اللي ارقدتي
سيدك حتي
السفنفز ماكلاه
الله غالب
اهاي امي
اتحوس علينا
حتي ون كانت
اممتي
ماهي عارفة
حكة السكر
من الملح شفت ياسيدي كناينك
المعفونات

حتي وحدة
ماقامت اخلال وقالت اندير حاجة
عقابها خوي رواق
ايغسل في حوايجنا
وهم ايصققوا
بحدا رجلاتهم اللي اسماهم اولادك

قالي سيدي يخدة اتسوقهم
هم
وخوتك
يوكان مش عيبه
مني
انهججهم
من السانية
والحياش
يمشوا هفة اتهفهم
اتكا سيدي بعد ماامي
اعطاته فنجان قهوة
وقالي سمعتي بالكفرة
ياليلة حرفة
قتله
سيدي صلي علي النبي
قالي عليه الصلاة والسلام
قتله
ياسيدي الكفرة صحراء
ومافيهاش غنائم
والا راك شفت السيارات ارتال ارتال
قالي حق
يابنيتي
الصبر ياسيدي
لهم الله
انت
عارف ياسيدي الكفرة
في ناس ماتعرفهاش حتي وين تقع
ومايعرفوش حتي شنو قبائلها
ومن هم الزوية ومن هم التبو
قالي سيدي نقصي صوتك
راك مريضة
وتوا اتنوض عليك الكحة
مااتسيبك لين تجبد امصارنيك
وناض سيدي
بيشوف الزوايل
اللي واحل فيهم حسن وبرق الليل الله ايجمع قلوب اوخيني علي بعض
من امتا وحسن ايطيق حتي الكلام مع برق الليل
برق الليل كان حتي ذبيحة حسن ماياكلها
واليوم ايوكلوا في الزوايل
مابعض
سبحان امغير الاحوال
وتوا بالسلامة ياهلنا
ولد سيدي توا الايام تحكيلي عليك
هذه اخرتها الكفرة بحداك
ماقلتش
ترفع حتي صندوق ادوية
مادام ماتقدرش علي حمل السلاح والا توا بتقول هذه فتنة ولن ندخل فيها
انهم اخوه بره جفوه مني
لين تتصقم
توا الليلة اتقول اعتصمنا تنديدا بالقتال بين الاخوة
الذين عليهم بحقن الدماء
ياكسرتي فيك وخلاص
الكفرة شبر بينك وبينها والتشادين والسودنة مدايرين فيها مايبوا
ارقد توا واتوسد لاب تبك
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الأربعاء فبراير 22, 2012 9:13 am

ونجيتوا ياهلنا
حصيلة ادماغي انقلب
قلبة شينة
واني قلت هيا ياموطنة بعد مااتغديت وتحمدت واتشكرت وخديت الدواء
نفتحوا الفيس
واني افتحت
برقت اعيوني شنو اللي قدامي
اقرصت ازنودي اللي يسمع ايقول ازنود بوعنتر
المهم بلحقت
بلحقت
هاني جايتكم بالدوة
صورة مدير موقع ايراسا

حكيت
اعيوني
ياكبادي شورني ادوشنت
اني مانحساب هذا مديرينا
نحاسبه واحد اخر
المهم هذا امر لايزيد لاينقص
الاهم مديرنا ربي بعطيه مايتمني اطلع واتكلم
ورغم ماني عارفه شنو قال
ماهو كان مفروض ايعلمنا ويقولنا برموا علي الببي
اتشرفنا بيك يامدير
وراني اني عضوة جديدة عندك
وكان مفروض اتخش اعليا وترحب بيا
لكن معليش
الايام هلبة
ياودي اه راني امدوشنة
سامحونا ياهل الخير وبلسلامة
الرجوع الى أعلى الصفحة اذهب الى الأسفل
اليسار
عضو نشيط


عدد المساهمات : 228
نقاط : 230
تاريخ التسجيل : 13/10/2011

مُساهمةموضوع: رد: حكايتي امغير اسمعوها   الأربعاء فبراير 22, 2012 12:37 pm

سلامتك مواطنة ليبية

فيا ولافيك
الرجوع الى أعلى الصفحة اذهب الى الأسفل
الغزال الشارد
القلم الذهبي
القلم الذهبي


عدد المساهمات : 1773
نقاط : 2097
تاريخ التسجيل : 12/07/2010
الموقع : هنا وهناك

مُساهمةموضوع: رد: حكايتي امغير اسمعوها   السبت فبراير 25, 2012 8:42 am

مواطنة هو انتي وين

وين ايامك وين ياغائب عالعين

قلبي عاش حزين

لفراقك يازين

وين

مواطىة لما انا هنا انتي اتخيبي

انا كثير مشغولة عليك

وربيع ومروان و خالد والجدة هلبة ايسلموا اعليك

شنو رايك في ماكتبته عن قلب الياسمين

انا وصلت البارح والجؤ حلو من الاخير
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   السبت فبراير 25, 2012 10:49 am

مرحبتين بضي العين
ومرحبا بناسك وحراسك وتاج راسك
وخديها زغروطة مني ياالغزال الشارد يوررررووررررر
وانت ياخونا اليسار
الله يبارك فيك
يابو الكلام الزين اللي يوري امعادن الرجال
وسامحوني علي الغيبة
ماهو المرض واخد فيا حصة
اعطي لعدوكم غصة
وهيا بلسلامة وانشالله طلتي عليكم مافيها ندامة
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   السبت فبراير 25, 2012 11:53 am

مساء الخير باهلنا
ا
ع
لا
ن
ا
ن
س
ح
ا
ب

الرجوع الى أعلى الصفحة اذهب الى الأسفل
اليسار
عضو نشيط


عدد المساهمات : 228
نقاط : 230
تاريخ التسجيل : 13/10/2011

مُساهمةموضوع: رد: حكايتي امغير اسمعوها   الأحد فبراير 26, 2012 1:48 am

تحياتي مواطنة ليبية المني قرار انسحابك ومتأكد سيترك شرخا وتصدعا يصعب ترميمه

لك كل احترامي وتقديري واعجابي
الرجوع الى أعلى الصفحة اذهب الى الأسفل
ربيع بالحاج
عضو نشيط


عدد المساهمات : 186
نقاط : 190
تاريخ التسجيل : 17/09/2011
العمر : 28
الموقع : روما ايطاليا

مُساهمةموضوع: رد: حكايتي امغير اسمعوها   الأحد فبراير 26, 2012 10:40 am

مواطنة ليبية لما الانسحاب بعد ان صرنا اسري لحكايتك التي انا شخصيا احرص جدا علي قرأتها

انا حزين لقرار انسحايك
الرجوع الى أعلى الصفحة اذهب الى الأسفل
Reemas
عضو نشيط


عدد المساهمات : 142
نقاط : 195
تاريخ التسجيل : 14/12/2009
العمر : 28

مُساهمةموضوع: رد: حكايتي امغير اسمعوها   الأحد فبراير 26, 2012 12:14 pm

لا لا ليش الانسحاب شن في ،خيرك يا مواطنه راك اديريها جديات 0047 رد بالك بعيد السو عن الانسحاب الله يفكنا منا نحن نبو اسرة ايراسا اتزيد مانبوهاش تنقص .
0016
عاد توا نرجو فيك اتخشي واتقولي باهي قاعده ع خاطركم 0008 .
الرجوع الى أعلى الصفحة اذهب الى الأسفل
اليسار
عضو نشيط


عدد المساهمات : 228
نقاط : 230
تاريخ التسجيل : 13/10/2011

مُساهمةموضوع: رد: حكايتي امغير اسمعوها   الخميس مارس 01, 2012 7:33 am

انا حزين
الرجوع الى أعلى الصفحة اذهب الى الأسفل
ربيع بالحاج
عضو نشيط


عدد المساهمات : 186
نقاط : 190
تاريخ التسجيل : 17/09/2011
العمر : 28
الموقع : روما ايطاليا

مُساهمةموضوع: رد: حكايتي امغير اسمعوها   الجمعة مارس 02, 2012 12:35 pm

طالما انتظرنا حكايتك التي لها مغزي لابفهمه الا من يقرأ لك بعقله

لكنك انت كذلك هجرت وابتعدت

ماالذي حدث لاافهم ليتني افهم
الرجوع الى أعلى الصفحة اذهب الى الأسفل
الغزال الشارد
القلم الذهبي
القلم الذهبي


عدد المساهمات : 1773
نقاط : 2097
تاريخ التسجيل : 12/07/2010
الموقع : هنا وهناك

مُساهمةموضوع: رد: حكايتي امغير اسمعوها   الخميس مارس 22, 2012 10:54 am

0072
الرجوع الى أعلى الصفحة اذهب الى الأسفل
اليسار
عضو نشيط


عدد المساهمات : 228
نقاط : 230
تاريخ التسجيل : 13/10/2011

مُساهمةموضوع: رد: حكايتي امغير اسمعوها   الخميس مارس 22, 2012 3:45 pm

مواطنه اشريني بس احكيلي قصة ولد سيدك
الرجوع الى أعلى الصفحة اذهب الى الأسفل
الغزال الشارد
القلم الذهبي
القلم الذهبي


عدد المساهمات : 1773
نقاط : 2097
تاريخ التسجيل : 12/07/2010
الموقع : هنا وهناك

مُساهمةموضوع: رد: حكايتي امغير اسمعوها   الأحد أبريل 15, 2012 9:16 pm

يوميات مواطنه ليبيه خطرت علي بالي بهذا الليل البهيم فهل يحضي الغزال بالقفز احيانا حولك وانت تجلسين بدامسوك او تجري في جرة خروفات وجملات سيدك بجد اشتقت اليك
الرجوع الى أعلى الصفحة اذهب الى الأسفل
اليسار
عضو نشيط


عدد المساهمات : 228
نقاط : 230
تاريخ التسجيل : 13/10/2011

مُساهمةموضوع: رد: حكايتي امغير اسمعوها   الأحد أبريل 22, 2012 10:35 am

وينك اختنا مواطنه ليبية اشتقنا لداموسكم وحكايات سيدك وخوتك ونساهم عودي
الرجوع الى أعلى الصفحة اذهب الى الأسفل
الغزال الشارد
القلم الذهبي
القلم الذهبي


عدد المساهمات : 1773
نقاط : 2097
تاريخ التسجيل : 12/07/2010
الموقع : هنا وهناك

مُساهمةموضوع: رد: حكايتي امغير اسمعوها   الأحد أبريل 22, 2012 3:45 pm

عودي لهم ياعزيزتي
الرجوع الى أعلى الصفحة اذهب الى الأسفل
الغزال الشارد
القلم الذهبي
القلم الذهبي


عدد المساهمات : 1773
نقاط : 2097
تاريخ التسجيل : 12/07/2010
الموقع : هنا وهناك

مُساهمةموضوع: رد: حكايتي امغير اسمعوها   الإثنين أبريل 23, 2012 1:03 am

مواطنه ليبية مسكين مواطن ليبي حايس حوسه كبيره ما ان يكتب حتي يقف في اول عقبه البارحه كتب عن صديقية اللي امهبلينه طننت انه سيحكي لنا مثلك بأسهاب لكنه وقف مع اول كلمه مسكين مابعدها مليون صفحه وصفحه بين ايديه امنين بيلمها عودي حفزيه لأن يعبر عن همومه بحريه ولا يقف كحمار شيخ الاجواد في العقبه
الرجوع الى أعلى الصفحة اذهب الى الأسفل
ربيع بالحاج
عضو نشيط


عدد المساهمات : 186
نقاط : 190
تاريخ التسجيل : 17/09/2011
العمر : 28
الموقع : روما ايطاليا

مُساهمةموضوع: رد: حكايتي امغير اسمعوها   الأحد أبريل 29, 2012 3:46 pm

اهلا بك هل من ترحيب؟
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الإثنين أبريل 30, 2012 4:36 am

جينا جينا جينا
شدو اعصابكم وكثروا من حبوب الراس
واليم
يعني اليمون هه
للي مايفهون
معليش قاعدة داهشة ماليش كيف واصلة ياهلنا
اصبروا
ولد سيدي اتفرعنت ياباب وابدولك اجناحات
لكن جايهم القيص جايهم
من بنت اسيدك
انت وجماعتك
كان بودي انلحق علي شيخ الاجواد لكن الغزال الشارد شرداته شردة شينة الراجل امسكين
قال اقعدوا فيها
ياغزال ياشارد اهبلت راك الجماعة اصحاب الكنادر لماعة
وتوا اعذروني نبي انساوي اشنيطاتي واتمرقد ساعة وبعدين
شدوا حزامتكم وبحلقوا ااعيونكم زين
ومنساش انحي كل من خش عليا يقرأ ومنساش ريماس ويسار وربيع
كيف حالكم واحوالكم وانشالله اتشاركوني برايكم وتشجعوني بكلامكم
اما ولد سيدي بونظارة مصدومة فيك صدمة قوية وصورتك قدامي اهزت هز والايام مابينا ياني يانت
ياقاتل يامقتول هالة ماهي خير مني سلم الربي جي وحتي اللي مش جاي سلمه
والميم ط والميم ر والميم ت وصواريخ ارض جو سواني
وصواريخ الجبل والوادي انطق ادماغك بطقة من اجماعتي اللي بالظهر الاحمر مانه اتحساب غير انت عندك جماعة اجيبك كدس لحم وانبيعك بالتقسيط الممل قدام جامع الصحابة وممكنشي حثي في سوق الخضرة شنو اوراي
لامن ايعيط لامن ايزوي
الرجوع الى أعلى الصفحة اذهب الى الأسفل
الغزال الشارد
القلم الذهبي
القلم الذهبي


عدد المساهمات : 1773
نقاط : 2097
تاريخ التسجيل : 12/07/2010
الموقع : هنا وهناك

مُساهمةموضوع: رد: حكايتي امغير اسمعوها   الإثنين أبريل 30, 2012 5:13 am

اهلا وسهلا نورتي المنتدي
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الإثنين أبريل 30, 2012 8:59 am

عدنا
يازين الزينين
لالالالا
مش انت ولد سيدي
ابقولي الزين والسماحة
مامرن شورك
بلامواخدة نقصد الذيب
وين عاد انت من الديب
حصيلة
انت وين والديب وين شي كبير اعليك تفهمه
اصبروا جاينكم بالحكاية
غبت عليكم شهرين ناقصات
نلقي شوارع ومدن ابلادي بالغصايص غاصات
شي بقسم البلاد يعني بيتفدلر
وشي حرب الوجود في سبها واعارك علي غوط ديس يابس بين دردوحة الجميل وزواره
وتفجيرات ولحي نازلت ومتفرعنات وهلوسة وخمور في الصناديق امستفات
ياودي شنيك دوخة دوختوني فيها واني كنت في رحلة بعيدة علي الدوخة والدموس والفندلوس المندلوس
من الاخير كنت في روما تي لا
ياودي مش مع مرضي الانتقالية لا
علي حساب جيب سيدي لنقر ركاب الزرقاء مانا هي الفرسنة والمشيخة ساهلة تبيلها ارجالها
سيدي حصيلة جاه مرض التريس في تواخير عمرها ياودي فكوني من الشرح الذنيا متخلطة والفهم اعلي اصحاب الفهم
وتوا ناخدو فاصل برعاية مشروب
كركديه مخفض الضغط
جلاي الدي
الدي معناها المرض
ابديت انترجم من الداموس للحقفة ماهو
ولد سيدي خشيم ويفهم علي دورين
الرجوع الى أعلى الصفحة اذهب الى الأسفل
ربيع بالحاج
عضو نشيط


عدد المساهمات : 186
نقاط : 190
تاريخ التسجيل : 17/09/2011
العمر : 28
الموقع : روما ايطاليا

مُساهمةموضوع: رد: حكايتي امغير اسمعوها   الإثنين أبريل 30, 2012 10:38 am

شكرا علي الترحيب وبصراحة اكثر من امنورة ممكن ايميلك اذا تكرمت
الرجوع الى أعلى الصفحة اذهب الى الأسفل
يوميات مواطنة ليبية
عضو نشيط


عدد المساهمات : 118
نقاط : 127
تاريخ التسجيل : 19/01/2012

مُساهمةموضوع: رد: حكايتي امغير اسمعوها   الإثنين أبريل 30, 2012 12:36 pm

ياهلا بولد الاجواد
اللي مافيه زيه في الانداد
وصحيت صحيت
علي الترحيب
وكنك تقصد
اميلي
انشالله
ايسير خير
ياوحه الخير
ياولد العز والدلال
عاد توا اني حاسة بروحي حاجة كبيرة
اللي ولد روما
ايحب ايعرف اميلي
يالله
ليبيا فري
وفريتين وكمشة فراير وتوا عاد اسمحولي بالمغادرة
عندنا اضيوف ولازم انسايروا الناس
ممكن انتلاقوا بالليل بعد تهويدة
ايكون الجو رايق ونقدر نحكيلكم
برواقة

وتوا اترككم مع مشروب السبعة للقلوب المنخلعة
الرجوع الى أعلى الصفحة اذهب الى الأسفل
 
حكايتي امغير اسمعوها
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
•·.·°¯`·.·•مـنـتـدى إيـرآســـآ درنـة •·.·°¯`·.·• :: •·.·°¯`·.·•آلمنتدى آلعآم •·.·°¯`·.·• :: يوميات مواطنة ليبية-
انتقل الى: